نشرت الفنانة فيفي عبده على حسابها في “إنستغرام” مقطع فيديو ظهرت فيه وهي تتجول في شوارع لبنان، وتقف أمام أحد أشهر محلات الملابس هناك لتعلن أنه وراء اتخاذها قرار الخضوع لحمية غذائية لإنقاص وزنها.
وظهرت فيفي وهي تقول: “لما كنت في لبنان كنت بأستغرب إزاي مش لاقية مقاسي في اللبس، لحد ما جيت في المحل ده وملقتش مقاسي فقررت إني أعمل دايت وأخس، واهو إنتم شايفين لنتيجة أهو”.
كانت فيفي قد كشفت خلال استضافتها في برنامج “كتاب الشهرة” عبر قناة “الجديد” اللبنانية، أسباب طلبها الطلاق من زوجها الأول.
حيث كشفت عن تجربة مرعبة عاشتها في كينيا، أثناء قيامها برحلة سفاري برفقة زوجها وشريكه وزوجته، موضحة أنها كانت على معرفة بالاستعدادات المطلوبة للرحلة قائلة: “لبست هدوم السفاري، وجوزي وصاحبه ومراته أخذوا البنادق وراحوا يصطادوا غزال، لكن أنا طلبت أنتظر في العربية لإني مش جريئة”.
وأضافت: “اكتشفت إن الشخص المسؤول عن حراستي لا يملك بندقية وكان معاه عصاية، فصرخت ورجعوني مكان إقامتي بالطيارة الهليكوبتر، وجوزي رجع بينزف من مناخيره، لإنه بدل ما يضرب الغزالة بالبندقية ضرب نفسه”.
وتابعت: “طلبوا مني أنتظر في الشاليه وقفلوا الباب، وفجأة نمر نط من الشباك عندي، وكان النمر أكل صاحبه في نفس السنة، وقلبي وقف لكن عشان أنا راقصة ورياضية نطيت فوق مكان عالي النمر مقدرش يوصل له، ولما رجعت مصر طلبت الطلاق”.