فيديو .. أسما شريف منير تكشف عن تعرّضها لنوبات صرع و تكشف السبب
خلال حلولها ضيفةً على برنامج “ET بالعربي”، وجّهت أسما شريف منير رسالة الى المتنمرّين عليها بعد ظهورها في “مهرجان الجونة السينمائي الدولي” بزيادة وزن واضحة.
وقالت أسما: “اتعرضت للتنمّر وأنا دلوقتي تخنانة، أنا تخينة عشان باخد دواء لأن كان بيجيلي نوبات هلع وصرع، ومش قادرة أنزل من البيت من كتر الخوف”.
View this post on Instagram
وكانت أسما قد أثارت جدلًا واسعاً بعد حذفها كل صورها من “إنستغرام” لتعود وتنشر صورة جديدة لها علّقت من خلالها على أزمتها مع العلاقات العاطفية، قائلةً: “عشت لفترة طويلة في علاقات مش مرتاحة فيها، العلاقات كانت مرهقة ومليانة أذى نفسي، دايماً حاسة إن في حاجة ناقصة، وفي حاجة غلط، العلاقات كان فيها تضحيات كبيرة من طرف واحد، الحب والشغف اللي كنت بحلم بيهم مش موجودين”.
وأضافت: “كنت دايماً بقول لنفسي مش لازم كل حاجة تكون مثالية، المهم إني مرتاحة حتى لو موجوعة، ما هو ده الحب اللي أعرفه، مش الحب عذاب برضه؟، بس في نفس الوقت، كل مرة بشوف علاقة مليانة حب وتفاهم حقيقي، كنت بحس إني بتنازل عن حاجات مهمة في حياتي لحد ما في يوم، قررت أقعد مع نفسي وأسأل… هل الراحة كفاية؟، هل المفروض أقبل بعلاقة مفيهاش توازن والإحساس اللي أنا أستحقه بس عشان ده اللي أعرفه؟”.
واختتمت أسما شريف منير حديثها بالقول: “بعد التفكير، قررت إني مش هستمر في علاقة مش مريحة لمجرد إني خايفة أبقى لوحدي، قررت إني أستحق علاقة فيها حب حقيقي، دعم، وتفاهم… الدرس اللي اتعلمته كان واضح، متقبلش علاقة متوسطة بس عشان الخوف، إحنا نستحق إننا نعيش علاقة مليانة حب وتقدير بجد”.
