دافع المخرج خالد يوسف عن النجمة زينة بطلة فيلمه الجديد “الإسكندراني”، مؤكداً عدم صحة الأنباء المتواترة حول تعمدها إثارة الأزمات داخل مواقع تصوير أعمالها الفنية، وأشار خالد إلى أن هذا التعاون هو الثاني بينهما بعد مشاركتها ببطولة فيلمه “كارما”، ولم يجد منها إلا الالتزام.
وأضاف خالد يوسف في لقائه مع برنامج عرب وود: زينة ممثلة مهمة جداً وأن فيه مشاكل بتحصل أنا مبشوفهاش كده خالص.
خالد يوسف: زينة مجتهدة جداً
وتابع: ما يقال على أن فيه مشاكل بتحصل أنا مبشوفش كده خالص، لما اشتغلت معاها في كارما مفيش أي مشكلة حصلت لا مع الفريق ولا الجو العام هي مجتهدة جداً ومكرسة وقتها للعمل ومركزة جداً عشان كده أنا متحمس للعمل معاها تاني.
زينة فتاة جدعة ومظلومة في الإسكندراني
وكشفت زينة عن تفاصيل شخصيتها في فيلم الإسكندراني، وقالت: دي أشقى بنت ممكن تشوفيها في حياتك، اسمها قمر، وهي بنت إسكندرانية جدعة وبتاعت حق أوي، وبتقف دايماً جمب الناس المظلومة، وبتعيش حياة ظلمة بس بتكافح وبتعيش زي أي ست مصرية.
وتابعت خلال لقاء لها ببرنامج et بالعربي: مبسوطة من التعاون مع كل الممثلين في الفيلم، أستاذ حسين فهمي دا بموت فيه واحنا أصدقاء جداً، وأول ما اشتغلت اشتغلت معاه، كان عندي 17 سنة.
أبطال فيلم الإسكندراني
ويشارك في فيلم الإسكندراني بجانب الفنان أحمد العوضي مجموعة من النجوم أبرزهم زينة، محمد رضوان، إنتصار، حسين فهمي، صلاح عبد الله، محمود الليثي، محمود حافظ، وغيرهم من الفنانين، والفيلم من إخراج خالد يوسف.
متابعات
دفاق نيوز
تابع على X
أرسل بريدا إلكترونيا
الأحد 26 نوفمبر 2023 الساعة 7:15 م
