نصائح دينا للسيدات للحفاظ على رشاقتهن

في فيديو عبر حسابها على “إنستغرام” ضمن برنامجها الجديد بعنوان “اسمع مع دينا”، وجهت الفنانة دينا بعض النصائح للسيدات كشفت من خلالها عن كيفية الحفاظ على رشاقتهن وألا يظهر عليهن السن.

تحدثت دينا عن أن البعض يقول عنها إنها كبرت في العمر لكن في نفس الوقت لا يظهر عليها السن، فسرت السبب، قائلة: “أحيانا بيقولوا حاجات تضحك بيقولوا إنتي كبرتي يا دينا ويقولوا إنتي مش بيبان عليكي الكبر ليه، مببقاش فاهمة ببقى ضايعة بين الاتنين، هو أنا كبرت ولا مبيبانش عليا الكبر أنا مبتأثرش أوي”.

تابعت دينا: “إنما أنا مش معترضة هو أنا كبرت بجد ومبيبانش عليا الكبر، ليه إيه السبب أنا شخص من وأنا عندي 15 سنة لحد النهاردة عمري ما نمت وفي وشي مكياج وعمري ما حطيت كريم بالليل والنهار، عمري ما ملعبتش رياضة يا برقص يا بلعب رياضة، مباكلش غير مرة في اليوم طول عمري الصيام المتقطع اللي طالعين فيه جديد دا بعمله من وأنا عندي 15 سنة”.

وأكملت دينا: “أنا شخص مبيحبش الأكل بحب طبعًا نعمة ربنا بحب كل أصناف الأكل إنما مفيش حاجة عندي أحسن من نفسي بحب نفسي أكتر من أي حد في الدنيا فبالتالي بقدر أحافظ على نفسي إني أقدر أوصل لسن معين وأنا محافظة على نفسي مبزعلش إنكم بتقولوا كبرتي لأن دي حقيقة مش مضايقاني في حاجة خالص ويارب توصلوا لسني وتبقوا زيي”.

يذكر أن آخر أعمال دينا مشاركتها ضيف شرف في مسلسل “سر إلهي” الذي عرض في رمضان 2024، بطولة روجينا، تأليف أمين جمال، وإخراج رؤوف عبد العزيز، ويشارك بالبطولة محمد ثروت، أحمد مجدي، مي سليم، رنا رئيس، نهى عابدين.

متابعات