بشرى تكشف سبب انفصالها عن خالد حميدة وحجم ثروتها

في أحدث ظهور إعلامي، كشفت النجمة المصرية بشرى أسرارا جديدة عن حياتها الشخصية، في مقدمتها سبب طلاقها من زوجها الأخير خالد حميدة، وتطرقت للحديث عن زوجها الأول ووالد أبنائها، كما تحدثت عن زملائها في الوسط الفني.

هل البيزنس وراء انفصال بشرى وخالد حميدة؟

نفت الفنانة المصرية بشرى، خلال استضافتها في برنامج “أسرار” على قناة “النهار”، ما تردد بشأن انفصالها عن زوجها الأخير خالد حميدة بسبب “البيزنس” وعدم اكتمال مشروع كانا يعملان عليه، ما دفعهما للطلاق، ووصفت ما يقال بـ”الشائعة”.

وقالت: مش حقيقي والمشروع لسه مكمل، وأنا لسه أحد الموجودين في المشروع. وأكدت أن زواجهما استمر سنة ونصف، ولأنهما لم يعلنا منذ بدء الزواج فاعتقدت الصحافة أن عمر الزيجة 11 شهرا فقط.

واعتبرت بشرى نفسها “غير متسرعة” في قرار الطلاق، وقالت: أنا سابقة عصري، وبدل ما أقعد في جوازة 5 سنين وأتعب وأعاني، ربنا بيلهمني بحاجة معينة زي منام، فبخلص بدري بدري، بدل ما ندخل تطورات مش كويسة.

ما سبب انفصال بشرى عن خالد حميدة؟

أوضحت بشرى أنها لو عاد بها الزمن كانت ستختار الزواج من خالد حميدة لأنها أحبته، قائلة: دي أكتر جوازة قلبي اشتغل فيها أكتر من عقلي، بس أكيد مش لسه بحبه.

وعن سبب توقف حبها له وطلاقهما، قالت: مافيش تواصل، هو كان عامل زي “اللهو الخفي” مش موجود، وكان عندنا مشكلة في الاتصال والتواصل، هو مسافر معظم الوقت ومابيجيش إلا أيام معدودة جدا، ووقت وجوده بالصدفة ممكن يكون في مهرجانات أو مناسبات، ومع الوقت بقيت كأني بمثل جوازة مش جوازة حقيقية.

ماذا قالت بشري عن علاقتها بطليقها الأول؟

أوضحت الفنانة الشابة أن والديها كانا يحبان زوجها الأول، وكانا يران أنه مناسب لها “زي ما بيقول الكتاب”، على حد وصفها، مضيفة: هو راجل محترم ومن عيلة كبيرة، ومحدش كان معترض من أهلي خالص.

وعن سبب انفصالهما، قالت بشرى: إحنا طلعنا مختلفين في الحياة خالص، هو تقيل وراسي وعايز الأسرة والاستقرار، وأنا كنت بشوف الحياة بشكل مختلف وعايزة أعيش، ووقتها كنت في قمة مشواري الفني ونجاحي.

وعن إجابتها عن سؤال: يعني اختارتي الفن عن حياتك الأسرية؟ ردت: اخترت راحة البال، اخترت نفسي، ووقتها ممكن أكون اخترت الفن. ووقتها ماكنش بينا حاجات مشتركة نعملها مع بعض ولا بنحبها.

وأجابت بشرى عن سؤال: متمردة على الرجالة؟ بقولها: مش متمردة على الرجل بس شايفة إن الست قوية وكافية جدا. طليقي أبو أولادي راجل محترم وكان بيدعمني، وأسعد وأفخر إنه أبو أولادي، ولم أخطئ في اختيار أبو أولادي، ولحد النهارده احنا أصدقاء.

ما حجم ثروة الفنانة بشرى؟

أجابت بشرى، خلال الحلقة، عن مجموعة أسئلة من مذيعة البرنامج أميرة بدر، من بينها سؤال تخيري بين الكشف عن عمرها الحقيقي أو حجم ثروتها، وقالت الإعلامية للفنانة: شايلة كام تحت البلاطة؟ في إشارة لمقدار ثروتها. وأجابت الأخرى: 10 آلاف جنيه بس.

ورفضت بشرى تدخل الآخرين في حياتها، في إجابتها عن سؤال: بيفرق ليكي نظرة المجتمع ولا مش مهم؟ وقالت الفنانة بسخرية: قصدك المجتمع اللي في محكمة الأسرة والباقي في صفحة الحوادث؟ مستطردة: لا ما بيفرقش معايا آراءهم خالص، مين دول اللي هينظروا عليا، أو ياخدوا قرار في حياتي اللي المفروض أنا بعيشها، حد هيحاسب على فواتيري، حد هيجيبلي أكلي وشربي. أنا بحترم الناس في حدود احترامهم ليا لكن محدش مسموحله من المجتمع يتدخل في حياتي.

متابعات